Drög að stefnu Reykjavíkur um málaflokk fatlaðs fólks 2026-2036 eru núna í samráðsgátt Reykjavíkurborgar og eru borgarbúar og hagsmunasamtök hvött til að veita henni umsögn. Um er að ræða stefnumótun sem er ætlað að ná fram framtíðarsýn í málaflokknum, forgangsraða verkefnum og skipuleggja þannig að velferðarstefna borgarinnar, lög og reglugerðir sem og samningur Sameinuðu þjóðanna um réttindi fatlaðs fólks verði í forgrunni þjónustu við fatlað fólk.