-Please use the website's translation capabilities for other languages. On the left sidebar (below on mobil version) there are links to the policy documents.-

Í fjölmenningarstefnu er áherslan lögð á inngildingu, jafnrétti og virka þátttöku fyrir öll í borgarsamfélaginu. Markmið stýrihópsins var að tryggja að fjölmenningarleg gildi endurspegluðust í allri stefnumótun sem og þjónustu borgarinnar og að framlagi innflytjenda yrði gert hærra undir höfði.

Stefnan er undirstefna við mannréttindastefnu Reykjavíkurborgar og aðgerðaáætlun Reykjavíkurborgar í jafnréttis- og mannréttindamálum 2023 –2026. Aðrar gildandi stefnur borgarinnar voru rýndar og frumgreining fór fram á hvernig þær snerta málaflokkinn í tengslum við starfsemi og ábyrgð hjá hverju sviði borgarinnar.

Stefnan er leiðarljós fyrir alla starfsemi borgarinnar og eru áherslur hennar ofnar inn í starfsemi og stefnumörkun Reykjavíkur.