Vísað er til samþykktrar að gefa almenningi kost á að koma á framfæri athugasemdum eða ábendingum við borgarhönnunarstefnu Reykjavíkurborgar.

Við vinnslu borgarhönnunarstefnu var litið til ábendinga sem Reykjavíkurborg, og aðrir fagaðilar komu með við gerð borgarhönnunarstefnu. Umhverfis- og skipulagsráð vísar tillögunum til samráðsgáttar Reykjavíkur til að íbúar Reykjavíkur og aðrir hagaðilar geti kynnt sér borgarhönnunarstefnu og komið með athugasemdir.

Íbúar Reykjavíkur og aðrir hagaðilar eru hvattir til að senda inn ábendingar við meðfylgjandi drögum að borgarhönnunarstefnu. Til að einfalda úrvinnslu er óskað eftir því að við skil á ábendingum sem varða einstakar greinar sé vísað í viðkomandi kafla í drögum að borgarhönnunarstefnu og gerð sé, í þeim tilvikum sem það á við, tillaga að textaviðbótum eða breytingum. Umhverfis- og skipulagsráð tekur endanlega ákvörðun um borgarhönnunarstefnu Reykjavíkur.