Stöðvalausar smáfarartækjaleigur, hlaupahjólaleigur, hafa unnið í samræmi við verklagsreglur sem samþykktar voru á fundi skipulags- og samgönguráðs 3. júlí 2019 og síðar á fundi borgarráðs, áður en nokkur slík leiga tók til starfa í borginni. Reglurnar setja ramma um viðkomandi starfssemi en nú 6 árum eftir samþykkt þeirra er tímabært, með hliðsjón af reynslunni, að fara yfir reglurnar og endurskoða þær. Þær breytingar sem birtast í þessum drögum snúa að mestu leiti að því að skýrar kröfur til rekstaraðila um að fylgja því eftir að tækjunum sé ekki lagt þannig að þau skapi hættu eða óþægindum fyrir aðra vegfarendur.

Íbúar Reykjavíkur og aðrir hagaðilar eru hvattir til að senda inn ábendingar við meðfylgjandi drög að uppfærðum verklagsreglum. Til að einfalda úrvinnslu er óskað eftir því að við skil á ábendingum sem varða einstakar greinar sé vísað í viðkomandi grein verklagsreglnanna og gerð sé, í þeim tilvikum sem það á við, tillaga að textaviðbótum eða breytingum. Umhverfis- og skipulagsráð tekur endanlega ákvörðun um verklagsreglur vegna starfsemi stöðvalausra hjóla- og smáfarartækjaleiga á borgarlandi Reykjavíkur.