Vísað er til samþykktrar tillögu Umhverfis- og skipulagsráðs frá 25. júní 2025 um reglur um bílastæðakort íbúa í Reykjavík þar sem samþykkt var að gefa almenningi kost á að koma á framfæri athugasemdum eða ábendingum við tillöguna.

Við vinnslu tillögunnar var litið til ábendinga sem Reykjavíkurborg og Bílastæðasjóði hafa borist frá íbúum en markmið hennar er að skapa aukinn sveigjanleika fyrir íbúa Reykjavíkur. Umhverfis- og skipulagsráð vísar tillögunum til samráðsgáttar Reykjavíkur til að íbúar Reykjavíkur og aðrir hagaðilar geti kynnt sér tillögurnar og komið með athugasemdir.

Íbúar Reykjavíkur og aðrir hagaðilar eru hvattir til að senda inn ábendingar við meðfylgjandi drög að uppfærðum reglur um bílastæðakort íbúa í Reykjavík. Til að einfalda úrvinnslu er óskað eftir því að við skil á ábendingum sem varða einstakar greinar sé vísað í viðkomandi grein verklagsreglnanna og gerð sé, í þeim tilvikum sem það á við, tillaga að textaviðbótum eða breytingum. Umhverfis- og skipulagsráð tekur endanlega ákvörðun um reglur um bílastæðakort íbúa í Reykjavík.